နစ်ကီ (သို့) လမ်းသရဲတစ်ယောက်၏ ရင်ဖွင့်သံ
နယူယောက်လမ်းမပေါ်မှလမ်းသရဲနစ်ကီ၏သက်သေခံချက်ကို
Reverend David Wilkerson ၏ ''The cross and the switchblade" စာအုပ်မှထုတ်နှုတ်ဘာသာပြန်ထားပါသည်။
ကျွန်တော်ငယ်ငယ်ကအမြဲတမ်းလိုလိုလမ်းပေါ်မှာပဲနေတယ်။ကျွန်တော့်မိဘတွေမှာ
ဖောက်သည်တွေအဆက်မပြတ်ရှိနေတော့ဧည့်သည်လာတာနဲ့ကျွန်တော်တို့ကိုအပြင်ထွက်သွားခိုင်းတယ်။ကျွန်တော့်မိဘတွေကနတ်ဆရာတွေ။စပိန်သတင်းစာတွေမှာသူတို့အကြောင်း
ကြော်ညာတွေပါတယ်။သူတို့က သေပြီးသားဝိညာဉ်တွေကိုစကားပြောနိုင်တယ်။ နေမကောင်းတဲ့သူတွေကိုကျန်းမာစေနိုင်တယ်။
ငွေကြေး၊မိသားစုအရေးနဲ့ပတ်သတ်ပြီးအကြံညာဏ်တွေလည်း ပေးနိုင်တယ်လို့ ကြော်ညာထားတယ်။အိမ်မှာကအခန်းတစ်ခန်းပဲရှိတော့လူတွေလာရင်ကျွန်တော်တို့ညီအစ်ကိုတွေကလမ်းပေါ်ထွက်နေရတယ်။အစပိုင်းမှာတော့လမ်းပေါ်ကအခြားကလေးတွေကကျွန်တော့်ကိုထိုးတော့ကျွန်တော်အရမ်းကြောက်တယ်။နောက်ပိုင်းကျွန်တော်လည်းတိုက်နည်းခိုက်နည်းတွေကိုသင်ပြီး
ပြန်ချတော့သူတို့ကျွန်တော့်ကိုရှိန်ပြီးဘာမှပြန်မလုပ်ရဲတော့ဘူး။ကျွန်တော့်နားတောင်မကပ်ရဲကြတော့ဘူး။တဖြည်းဖြည်းနဲ့အိမ်မှာနေရတာထက်လမ်းပေါ်မှာနေရတာကိုကျွန်တော်ပိုကြိုက်လာတယ်။အိမ်မှာဆိုကျွန်တော်ကအငယ်ဆုံး။ဘာမှသုံးမရတဲ့သူ။လမ်းပေါ်မှာတော့ကျွန်တော်ကဗိုလ်ပဲ။ကျွန်တော်တို့ခဏခဏအိမ်ပြောင်းရတယ်။အားလုံးကျွန်တော့်ကြောင့်ချည်းပဲ။
ပြဿနာတစ်ခုခုရှိတာနဲ့ရဲတွေရောက်လာပြီးစစ်လားမေးလားလုပ်တယ်။ရဲတွေရောက်လာတာနဲ့ကျွန်တော်တို့လည်းအိမ်ကမောင်းထုတ်ခံရတော့တာပဲ။အိမ်ရှင်ကရဲရောက်လာပြီဆိုရင်ဘာအကြောင်းပဲရှိရှိမမေးဘူး။ချက်ချင်းမောင်းထုတ်တယ်။ကျွန်တော်ဘာကြောင့်အဲဒီလိုအသက်ရှင်
နေထိုင်ခဲ့တယ်ဆိုတာလုံးဝစဉ်းစားလို့မရဘူး။ကျွန်တော့်အထဲမှာကျွန်တော်အရမ်းကြောက်တဲ့အရာတစ်ခုရှိနေတယ်။ကျွန်တော်အမြဲတမ်းစိုးရိမ်နေတယ်။ဘာကိုစိုးရိမ်နေမှန်းလဲမသိဘူး။
ကြောက်နေတယ်ဘာကိုကြောက်မှန်းလည်းမသိဘူး။ကျွန်တော် ထော့နဲ့နေတဲ့လူတစ်ယောက်ကိုတွေ့ရင်သူ့ကိုမသနားဘူး။သတ်ချင်တယ်။မျက်ကန်းတွေမြင်ရင်လည်းဒီလိုပဲ။ကလေးငယ်ငယ်လေးတွေ
မြင်ရင်လည်းဒီလိုပဲ။မူမမှန်တဲ့သူ၊မသန်စွမ်တးတဲ့သူ၊အားငယ်တဲ့သူ၊အားနည်းတဲ့သူနဲ့မကျန်းမာတဲ့သူတွေမြင်ရင်သူတို့ကိုကျွန်တော်မုန်းတယ်။ဘာကြောင့်လဲဆိုရင်အဲဒီလိုအားနည်းတဲ့သူကို
မြင်တိုင်းအရင်ကအားနည်းခဲ့တဲ့ကျွန်တော်နဲ့တူနေလို့အနာဟောင်းကို ပြန်ဆွသလို ဖြစ်နေလို့။တစ်ရက်ကျတော့ကျွန်တော့်အဖေကိုဒီအကြောင်းသွားပြောလိုက်တယ်။ဒီလိုပဲအဲဒီအရာကိုလည်းအရမ်းကြောက်တဲ့အကြောင်းပြောတော့အဖေကကျွန်တော့်အထဲမှာနတ်ဆိုးရှိတယ်ဆိုပြီးနတ်ဆိုးကို
မောင်းထုတ်တော့တယ်။ဘာမှတော့ထွက်မလာခဲ့ဘူး။အဲဒီစိတ်ရောဂါကတဖြည်းဖြည်းပိုပိုဆိုးလာတယ်။ဂျိုင်းထောက်နဲ့လူတွေကိုမြင်ရင်သူတို့ကိုကျွန်တော်ပိတ်ကန်တယ်။မုတ်ဆိတ်မွှေးအရှည်ကြီးနဲ့အဖိုးကြီးကိုမြင်ရင်သူ့မုတ်ဆိတ်မွှေးတွေကိုဆွဲနှုတ်ပစ်တယ်။ကျွန်တော့်ထက်ငယ်တဲ့ကလေးလေးတွေကိုအနိုင်ကျင့်တယ်။တစ်စုံတစ်ခုကိုကျွန်တော်
ကြောက်နေတယ်။ပြီးတော့ငိုချင်နေတယ်ဆိုရင်ကျွန်တော့အထဲမှာရီချင်နေတယ်။ နောက်တစ်ခုက သွေးပဲ။ကျွန်တော်သွေးကိုမြင်တာနဲ့စပြီးရီတော့တာပဲ။လုံးဝရပ်လို့ကိုမရတော့ဘူး။
ဖော့ဂရင်းပရောဂျက် (အိမ်ယာ)ကိုကျွန်တော်တို့မိသားစု
ပြောင်းလာတော့ကျွန်တော်လည်း မောင်းမောင်းအဖွဲ့ထဲဝင်လိုက်တယ်။သူတို့ကကျွန်တော့်ကို ခေါင်းဆောင်လုပ်စေချင်တယ်။ဒါပေမယ့်
ခေါင်းဆောင်ကအမိန့်ပေးရမယ်၊လမ်းညွှန်ရမယ်ဆိုတော့ကျွန်တော်ကဒုခေါင်းတောင်ပဲလုပ်လိုက်တယ်။ကျွန်တော်ကတိုက်တာခိုက်တာကိုပိုသဘောကျတယ်။ကျွန်တော်လက်နက်ပိုင်းမှာဆာဂျင်လည်းဟုတ်တယ်။ဆိုလိုတာကလက်နက်တွေအားလုံးကိုတာဝန်ယူကိုင်တွယ်ရတယ်။ကျွန်တော်တို့မှာစစ်သုံးခါးပတ်၊စားမြောင်၊
မောင်းချဓားနဲ့အိမ်လုပ်သေနတ်တွေရှိတယ်။ကားရေဒီယိုတိုင်နဲ့အိမ်တံခါးဂျက်ရှိရုံနဲ့ပွိုင့်တူးတူး
သေနတ်တစ်လက်လုပ်လို့ရတယ်။အဖွဲ့လိုက်ချပြီဆိုရင်တော့ ဘေ့စ်ဘောရိုက်တံကိုသုံးရတာပိုကြိုက်တယ်။အမှိုက်ပုံးကို
ခေါင်းစွပ်ပြီး တွေ့ရမြင်ရာတွေရိုက်ရတာကိုကြိုက်တယ်။တကယ်တိုက်ပြီခိုက်ပြီဆိုရင်ကျွန်တော်တို့
မောင်းမောင်းအဖွဲ့ကလူတွေကကျွန်တော့နားမှာမနေရဲဘူး။ဘာလို့လဲဆိုရင်ကျွန်တော်အဲလိုတွေ့ရာမြင်ရာကိုစရိုက်ပြီဆိုရင်လူမှန်းသူမှန်းသိတော့တာမဟုတ်ဘူး။ကျွန်တော်ဓားလည်းကိုင်တတ်တယ်။ဓားနဲ့ချရင်တစ်ဖက်လူဒဏ်ရာရအောင်ပဲလုပ်တယ်
သေအောင်မလုပ်ဘူး။ကျွန်တော်လူ၁၆ ယောက်ကိုဓားနဲ့ထိုးဖူးတယ်၊ ထောင်ထဲ၁၂ခါ ရောက်ဖူးတယ်။ကျွန်တော့်ပုံသတင်းစာတွေထဲမှာလည်းပါတယ်။လမ်းထဲမှာကျွန်တော့်ကိုမြင်တာနဲ့ကလေးအမေတွေကသူ့ကလေးတွေကိုချက်ချင်းအိမ်ထဲဝင်ခိုင်းတယ်။တခြားဂိုဏ်းကလူတွေကလည်းကျွန်တော့်အကြောင်းကိုသိတယ်။တစ်နေ့ကျွန်တော်ရထားစောင့်နေတုန်းလူငါးယောက်ကျွန်တော့်နောက်ကနေခါးပတ်နဲ့လည်ပင်းကိုလာညစ်တယ်။ကျွန်တော်မသေဘူး။ဒါပေမယ့်အဲဒီအချိန်ကစပြီးကျွန်တော့လည်ချောင်းမှာထူးဆန်းတဲ့အသံတွေထွက်ပြီးစကားကောင်းကောင်းမပြောနိုင်တော့လို့
သေသွားခဲ့ရင်ကောင်းမယ်လို့အကြိမ်ကြိမ်စဉ်းစားခဲ့ဖူးတယ်။ကျွန်တော်အရင်ကမူမမှန်တဲ့လူတွေကိုမုန်းပေမယ့်အခုတော့ကျွန်တော်ကိုယ်တိုင်မူမမှန်သူဖြစ်သွားပြီ။ကျွန်တော်တို့အဖွဲ့က
ကော်နီကျွန်းကနေရပ်ဖယ်လ်လမ်းအထိကိုထိန်းချုပ်ထားတယ်။ကျွန်တော်တို့MM တံဆိပ်ဂျာကင်အနီရောင်ကိုအဖွဲ့ရဲ့ဝတ်စုံအဖြစ်ဝတ်ကြတယ်။တစ်နေ့ကျွန်တော်တို့
ခြောက်ယောက်သကြားလုံးစားနေတုန်းဆိုင်ထဲကိုဘစ်ရှော့အဖွဲ့တွေရောက်လာပြီးသူတို့ပိုင်တဲ့ဆိုင်လိုလာသောင်းကျန်းတယ်။ကျွန်တော့အဖွဲ့ထဲကအခြားသူတွေကကျွန်တော်ဘာလုပ်မယ်ဆိုတာကို
စောင့်ကြည့်နေကြတယ်။ဒီဘစ်ရှော့ပ်အဖွဲ့ဆိုတာကကျွန်တော်တို့ မောင်းမောင်းအဖွဲ့နဲ့ရန်ဖက်ဖြစ်တယ်။ကျွန်တော်ဝင်သွားပြီးသူတို့လူတစ်ယောက်ကိုတွန်းလှဲလိုက်တယ်။သူတို့လည်းကျွန်တော့်ကို
ပြန်တွန်းလှဲတယ်။ဒါနဲ့အားလုံးချကြတယ်။ဆိုင်ရှင်မိန်းမလည်းစပြီး အော်တော့တယ်။ဆိုင်ထဲကလူတွေလည်းဆိုင်ထဲက
ပြေးထွက်သွားကြတယ်။သားခုတ်ဓားတစ်လက် ကောင်တာမှရှိနေတော့ကျွန်တော်တို့အဖွဲ့ထဲကလူတစ်ယောက်ကအဲဒီဓားကို
ကောက်ကိုင်ပြီးတစ်ဖက်အဖွဲ့ကလူတစ်ယောက်ကို ခေါင်းကနေငါးချက်လောက်ခုတ်လိုက်တယ်။အဲဒီမှာ
သွေးတွေအများကြီးပဲ။ကျွန်တော်သွေးကိုတွေ့တယ်။လူသေသွားတာကိုလည်းသိတယ်။အရမ်းလည်းကြောက်နေပေမယ့်မရီဘဲမနေနိုင်ဘူး။ကျွန်တော်ရီတယ်လုံးဝကိုမရပ်နိုင်ဘူး။ဆိုင်ရှင်ရဲ့မိန်းမလည်းရဲတွေကိုဖုန်းဆက်လိုက်တယ်။
နောက်တစ်ယောက်ကအဲဒီအဒေါ်ကြီးရဲ့ဗိုက်ကိုထိုးသတ်လိုက်ပြန်တယ်။ နောက်ကျွန်တော်တို့ပြေးကြတယ်။ကျွန်တော်ဓားကိုမကိုင်လိုက်မိလို့
ထောင်တော့မကျဘူး။ဒါပေမယ့်ကျွန်တော့်မိဘတွေတော့တရာရုံးကိုသွားခဲ့ရတယ်။အဲဒီအချိန်မှာပဲသူတို့ကျွန်တော့်ကိုပထဦးဆုံးအကြိမ်
ထူးဆန်းတဲ့မျက်လုံးနဲ့ကြည့်တယ်။သူတို့ကျွန်တော့်ကိုအရမ်းလန့်သွားတယ်။ဒါနဲ့သူတို့နယူးယောက်ကထွက်သွားဖို့ဆုံးဖြတ်လိုက်ကြတယ်။ကျွန်တော်တို့ညီအစ်ကိုအမေနဲ့အဖေကို
လေယဉ်ကွင်းလိုက်ပို့တဲ့နေ့အိမ်ကိုပြန်လာတဲ့လမ်းမှာကျွန်တော့်အစ်ကိုကပွိုင့်၃၂ သေနတ်တစ်လက်ကျွန်တော့်လက်ထဲထည့်လိုက်တယ်။
'အခုကစပြီးမင်းလည်းမင်းလမ်းမင်းသွား၊ငါလည်းငါ့လမ်းငါသွားမယ်' လို့ပြောတယ်။ကျွန်တော်လည်း
သေနတ်နဲ့လူတစ်ယောက်ကို ထောက်ပြီး၁ဝ ဒေါ်လာတောင်းလိုက်တယ်။ရတဲ့ငွေနဲ့အခန်းတစ်ခန်းငှါးနေတယ်။အဲဒီအချိန်မှာကျွန်တော့်အသက်က၁၆နှစ်ရှိသွားပြီ။အဲဒီအချိန်ကတည်းက
ငွေလိုရင် သေနတ်နဲ့ထောက်တောင်းပြီးအဲဒီလိုနေလာတယ်။ နေ့ဖက်ကတော့အဆင်ပြေတယ်။အဖွဲ့သားတွေနဲ့အတူတူနေတယ်ဆိုတော့။ကျွန်တော်နဲ့
ခေါင်းဆောင်ပြောသမျှကိုသူတို့လုပ်ရတယ်။ညရောက်လို့အဲဒီအခန်းထဲရောက်ပြီဆိုတာနဲ့ ပြဿနာစတော့တာပဲ။သကြားလုံးဆိုင်မှာ
သေသွားတဲ့လူနှစ်ယောက်ကကျွန်တော့်အမြင်အာရုံထဲ ပြန်ပေါ်လာတယ်။သူတို့အကြောင်းတွေကိုမစဉ်းစားဖို့ကြမ်းပြင်ကို
ခေါင်းနဲ့ဆောင့်တယ်။မရဘူး။ညသန်းခေါင်မှာလည်းလန့်လန့်နိုးတယ်။ကျွန်တော့်အမေကိုလွှမ်းလို့ငိုရပေါင်းလည်းမနည်းတော့ဘူး။အမေနဲ့တစ်ခါမှစကားလည်း
ကောင်းကောင်းမပြောခဲ့ဖူးပေမယ့်အခုအချိန်မှာကျွန်တော့်ဆီပြန်လာပြီးကျွန်တော့်ကိုဂရုစိုက်ပေးဖို့အရမ်းမျှော်လင့်၊
တောင့်တနေမိတယ်။၁၉၅၈ဇူလိုင်မှာကျွန်တော်၁၈နှစ်ပြည့်တယ်။အဲဒီလမှာရဒ်ဟုပ်က်ပရောဂျက်ကဒရာဂွန်အဖွဲ့ကကျွန်တော်တို့အဖွဲ့ထဲကလူတစ်ယောက်ကိုသတ်လိုက်တယ်။အဲဒီညမှာဒရာဂွန်အဖွဲ့ကလူတစ်ယောက်ကိုသတ်ဖို့ကျွန်တော်တို့သွားကြတယ်။ဒါကျွန်တော်တို့ဂိုဏ်းရဲ့ဥပဒေတစ်ခုပဲ။ မောင်းမောင်းတစ်ယောက်သေတယ်၊ဒရာဂွန်တစ်ယောက် ပြန်သေပေးရမယ်။အက်ဝပ်လမ်းအတိုင်းလျှောက်လာတဲ့အချိန်မှာရဲကားတစ်စီးရပ်သွားတယ်။အဲဒီနားမှာချပ်ပလိန်ဂိုဏ်းသားတွေလည်းရှိနေတယ်။ချပ်ပလိန်ဂိုဏ်းဆိုတာကနီဂရိုးဂိုဏ်းတစ်ခုဖြစ်တယ်။သူတို့နဲ့ကျွန်တော်တို့အဖွဲ့သဘောတူညီမှုယူထားတယ်။တစ်ဖွဲ့နဲ့တစ်ဖွဲ့တိုက်ခိုက်လို့မရဘူး။ဒါ့အပြင်ကျွန်တော်တို့ကိုကျူးကျော်လာတဲ့သူရှိရင်နှစ်ဖွဲ့စလုံးတစ်ဖွဲ့ကိုတစ်ဖွဲ့ကူညီရတယ်။အဲဒီနေရာမှာတစ်ခုခုရှိပုံရတယ်ဆိုပြီးကျွန်တော်တို့သွားကြည့်တော့အဲဒီချပ်ပလိန်ဂိုဏ်းသားတွေကလူနှစ်ယောက်ကိုဝိုင်းထားတယ်။တစ်ယောက်ကတော့စန္ဒရားတီးနေပြီး
နောက်တစ်ယောက်ကတော့ပိန်ညောင်ညောင်နဲ့။လူတစ်ယောက်ကအမေရိကန်အလံကိုယူလာတော့ရဲကားလည်းအဲဒီနေရာကနေထွက်သွားတယ်။အဲဒီလူနှစ်ယောက်ကလမ်းမှာ
တွေ့ဆုံပွဲတစ်ခုလုပ်ချင်ပုံရတယ်။ပိန်ညောင်ညောင်နဲ့လူကြီးကခုံတစ်ခုံပေါ်တက်ပြီးစာအုပ်တစ်အုပ်ကိုဖွင့်တယ်။အဲဒီစာအုပ်ထဲကစာတစ်ပိုဒ်ကိုဖတ်တယ်။
'' 'ဘုရားသခင်၏သားတော်ကိုယုံကြည်သောသူအပေါင်းတို့သည်ပျက်စီးခြင်းသို့မရောက်၊ထာဝရအသက်ကိုရစေခြင်းငှါဘုရားသခင်သည်မိမိ၌တစ်ပါးတည်းသောသားတော်ကိုစွန့်တော်မူသည်တိုင်အောင်
လောကီသားတို့ကိုချစ်တော်မူ၏။' ဒီနေ့ကျွန်တော်ခင်ဗျားတို့ကိုစကားပြောချင်တယ်။ဘယ်သူ့ကိုမဆို။ဘယ်သူ့ကိုမဆိုဆိုတာနီဂရိုး၊ပျူတိုရီကန်အားလုံးကိုဆိုလိုတယ်။ဒါ့အပြင်ဂိုဏ်းသားအားလုံးကိုလည်းဆိုလိုတယ်။
ယေရှုကိုအသေသတ်တုန်းကလည်းဂိုဏ်းသားနှစ်ယောက်ကိုသူ့တစ်ဖက်တစ်ချက်မှာ ..'' လို့အဲဒီပိန်ညောင်ညောင်နဲ့လူကဆက်ပြောတယ်။
''တော်လောက်ပြီသွားရအောင်'' လို့ကျွန်တော့်အဖွဲ့သားတွေကိုခေါ်တော့တစ်ယောက်မှမလှုပ်ဘူး။ဒါကျွန်တော့်ဘဝမှာပထမဆုံးသူတို့ကျွန်တော့်စကားနားမထောင်တဲ့အချိန်ပဲ။ကျွန်တော်အရမ်းလန့်သွားပြီးအဲဒီတရားဟောဆရာကိုသိသမျှစကားလုံးတွေနဲ့ဆဲတော့တယ်။သူကတော့ကျွန်တော့်စကားကိုမမှုဘူး။အကြာကြီးဆက်ဟောနေတယ်။အဲဒီမှာဘာဖြစ်သွားလဲဆိုရင်ချပ်ပလိန်အဖွဲ့ရဲ့
ခေါင်းဆောင်ကတရားဟောဆရာရဲ့ရှေ့မှာဒူးထောက်ပြီးငိုနေတယ်။သူ့ဒုတိယခေါင်းဆောင်၊ နောက်သူ့ရဲ့လူယုံနှစ်ယောက်။သူတို့လည်းငိုကြတယ်။ကျွန်တော်မခံနိုင်တာတစ်ခုကငိုတာပဲ။သူတို့အဲဒီရှေ့ကထွက်သွားတော့ကျွန်တော်တို့လည်းထွက်သွားဖို့ပြင်တယ်။
နောက်တော့အဲဒီတရားဟောဆရာကအစ္စရေးလ်ဆီသွားပြီးစကားပြောတယ်။အစ္စရေးလ်ဆိုတာ မောင်းမောင်းအဖွဲ့ရဲ့
ခေါင်းဆောင်ပဲ။သူတို့လက်ဆွဲနှုတ်ဆက်ကြတယ်။ကျွန်တော်အပေါ်တက်သွားပြီးအဲဒီတရားဟောဆရာကိုတွန်းထုတ်လိုက်တယ်။အစ္စရေးလ်ကတော့ကျွန်တော့်ကိုထူးထူးဆန်းဆန်းကြည့်တယ်။ဒါနဲ့တရားဟောဆရာကျွန်တော့်ဖက်လှည့်ပြီး
''နစ်ကီမင်းကိုငါချစ်တယ်။'' လို့ပြောတယ်။ကျွန်တော့်ဘဝမှာတစ်ယောက်မှကျွန်တော့ကိုအဲဒီလိုမပြောဖူးဘူး။ကျွန်တော်ဘာလုပ်ရမှန်းမသိတာနဲ့
''ခင်ဗျားကျွန်တော့်အနားကပ်ရဲရင်ကပ်ကြည့်ခင်ဗျားကိုကျွန်တော်သတ်မှာ'' လို့ပြောလိုက်တယ်။
နောက်တော့ကျွန်တော်တို့လည်းဒရာဂွန်အဖွဲ့ကိုသွားမရှာတော့ဘူး။ ပြန်လိုက်ကြတယ်။ နောက်တော့အဲဒီတရားဟောဆရာပြန်လာပြီးမန်ဟတန်မှာကျင်းပမယ့်
တွေ့ဆုံပွဲကြီးအကြောင်းပြောတယ်။ဒါနဲ့အစ္စရေးလ်က 'ကျွန်တော်တို့ဘယ်လိုလာရမလဲ' လို့မေးတော့ဘတ်စ်ကားနဲ့လာကြိုမယ်လို့သူကပြောတယ်။ဒါနဲ့အစ္စရေးလ်က
'ကျွန်တော်တို့လာခဲ့မယ်' လို့ ပြောလိုက်တယ်။ကျွန်တော်သွားရမှာကို သေလောက်အောင်ကြောက်တယ်။ဒါနဲ့မသွားဘူးလို့
ပြောတယ်။ဂိုဏ်းတစ်ဂိုဏ်းလုံးသွားကြတော့လည်းကျွန်တော်တစ်ယောက်တည်းမနေခဲ့ချင်ပြန်ဘူး။ဒါနဲ့လိုက်သွားလိုက်တယ်။ကျွန်တော့်အတွေးထဲမှာတော့သူတို့ရဲ့
ဆွေးနွေးပွဲကိုဖျက်ဆီးဖို့စဉ်းစားလိုက်တယ်။ကျွန်တော်တို့ ရောက်သွားတော့အရှေ့ဆုံးသုံးတန်းမှာကျွန်တော်တို့ထိုင်ရတယ်။ကျွန်တော်နည်းနည်းတော့အံ့သြသွားတယ်။တရားဟောဆရာကထိုင်ခုံလုပ်ပေးမယ်ပြောတုန်းကကျွန်တော်လုံးဝမယုံခဲ့ဘူး။အဲဒီမှာအမျိုးသမီးငယ်တစ်ယောက်သီချင်းဆိုတယ်။ကျွန်တော်
လေချွန်လိုက်တော့အဖွဲ့တွေအားလုံးရီကြတယ်။အခြေအနေတွေကကျွန်တော်ဖြစ်စေချင်လို ဖြစ်နေပြီဆိုတော့ကျွန်တော်စိတ်ချမ်းသာသွားတယ်။အဲဒီအချိန်မျာတရားဟောဆရာတက်လာပြီးအလှူငွေကောက်ဖို့
ပြောတယ်။သူ့ရဲ့အကြံကိုကျွန်တော်ရိပ်မိသွားတယ်။သူဘာလုပ်ချင်လို့ပါလိမ့်လို့ကျွန်တော်စဉ်းစားဖူးခဲ့တယ်။သူလည်းတခြားလူတွေနဲ့မခြားပါဘူး။ပိုက်ဆံ
တောင်းတဲ့သူပဲ။ ''ကျွန်တော်တို့ဒီမှာရှိတဲ့ဂိုဏ်းသားတွေကိုပိုက်ဆံကောက်ပေးဖို့ တောင်းဆိုချင်တယ်။ပိုက်ဆံကောက်တဲ့သူတွေက
ဟောဒီလိုက်ကာနောက်ကနေပတ်ပြီးစင်ပေါ်ကိုတက်လာပေးရမှာပါ။ ''လို့တရားဟောဆရာက ပြောလိုက်တယ်။
တော်တော်တုံးတဲ့လူပဲလို့ကျွန်တော်စဉ်းစားလိုက်တယ်။ဘယ်သူမဆိုမြင်ရတယ်။စင်ရဲ့အနောက်ဖက်မှာတစ်ခါးပေါက်တစ်ခုရှိတယ်။သူက
''ခြောက်ယောက်လောက်ကျွန်တော့်ကိုအကူအညီပေးလို့ရမလား'' ပြောတော့ကျွန်တော်လည်းကျွန်တော့လူငါးယောက်ကို
ခေါ်ပြီးအရှေ့ကိုတက်သွားတယ်။ဒါနဲ့လူအချို့ကကျွန်တော်တို့ကိုစက္ကူဗူးခွံအလွှတ်တွေပေးတယ်။ကျွန်တော်ချက်ချင်းကောက်ချင်တယ်။ဒါပေမယ့်တရားဟောဆရာက
ကောင်းကြီးပေးပြီးမှ ကောက်ရမယ်လို့ပြောတယ်။သူလည်း ကောင်းကြီးပေးပြီးရောကျွန်တော်တို့ခန်းမတစ်လျှောက်လုံးပတ်ပြီးပိုက်ဆံကောက်တယ်။တစ်ချို့ပေးတာနည်းနေသေးရင်ကျွန်တော်ရပ်နေတယ်ထပ်မပေးမချင်း။အားလုံးကျွန်တော့အကြောင်းကိုသိထားတော့ချက်ချင်းပဲထပ်ထည့်တယ်။ဒါနဲ့ပိုက်ဆံကောက်တာပြီးသွားတယ်။ကျွန်တော်တို့လည်းကလားကာနောက်ကိုသွားကြတယ်။
ဟောလ်ထဲကလူတစ်ချို့ကရီနေတယ်။ကျွန်တော်တို့ဘာရယ်ရွယ်ချက်နဲ့လုပ်မှန်းသူတို့သိနေတယ်။ကျွန်တော့်လူတွေလည်းကျွန်တော်ဘာလုပ်မယ်ဆိုတာကိုကြည့်နေကြတယ်။ကျွန်တော်အဲဒီမှာပဲရပ်နေတယ်။ဘာလုပ်ရမှန်းမသိဘူး။ရင်ထဲမှာဘာမှန်းမသိဘူးတစ်ခုခုတော့ခံစားရတယ်။တစ်ခါမှဒီလိုကျွန်တော်မခံစားရဘူး။ဘယ်သူကမှဘယ်တုန်းကမှကျွန်တော့်ကိုမယုံကြည်ခဲ့ဖူးဘူး။ဒါပေမယ့်ဒီတရားဟောဆရာကကျွန်တော့်ကိုယုံကြည်ခဲ့တယ်။အထဲမှာအခြားဂိုဏ်းသားတွေက
အော်ဟစ်နေကြတယ်။တရားဟောဆရာကသူတို့ပြောတာတွေ၊ လှောင်ပြောင်တာတွေကိုသည်းခံပြီးကျွန်တော့်ကိုယုံယုံကြည်ကြည်နဲ့
စောင့်နေတာကိုကျွန်တော်သွားစဉ်းစားမိတယ်။ဒါနဲ့ကျွန်တော်လည်း ''ကဲ .. အပေါ်တက်ရအောင်''
လို့ ပြောလိုက်တော့ကျွန်တော့်လူတွေကကျွန်တော့်ကိုကြည့်ပြီးအံအားသင့်သွားကြတယ်။ကျွန်တော့်ကိုတော့သူတို့အာမခံရဲကြဘူး။ကျွန်တော်တို့အပေါ်ကိုတက်သွားတဲ့အချိန်မှာတော့ထူးထူးခြားခြားကိုတိတ်ဆိတ်သွားတော့တယ်။ကျွန်တော်သူ့ကိုစက္ကူပုံးပေးပြီး
''ဒီမှာခင်ဗျားငွေ'' လို့ပြောလိုက်တယ်။ဒါနဲ့ကျွန်တော်လည်းထိုင်ခုံမှာပြန်ထိုင်ပြီးတစ်ခါမှမစဉ်းစားဖူးဘဲစဉ်းစားနေမိတယ်။
တွေးနေမိတယ်။အဲဒီအချိန်တစ်လျှောက်လုံးတရားဟောဆရာပြောတာကသန့်ရှင်းသောဝိညာဉ်တော်အကြောင်းချည်းပဲ။သူကပြောတယ်သန့်ရှင်းသောဝိညာဉ်တော်ကလူတွေရဲ့နှလုံးသားထဲကိုဝင်ရောက်ပြီးသူတို့ကိုသန့်ရှင်းစေနိုင်တယ်တဲ့။လူတွေဘာတွေပဲလုပ်ခဲ့လုပ်ခဲ့၊ဘယ်လောက်ကြီးလေးတဲ့အပြစ်ပဲရှိရှိ၊သန့်ရှင်းသောဝိညာဉ်တော်ကသူတို့ရဲ့ဘဝတွေကိုကလေးသူငယ်ကဲ့သို့အသစ်ပြန်ဖြစ်စေနိုင်တယ်လို့ဆက်ပြောခဲ့တယ်။ရုတ်တရက်ဆိုသလိုကျွန်တော်အဲဒီသန့်ရှင်းသောဝိညာဉ်တော်နဲ့အဲဒီဘဝအသစ်ဆိုတာကိုအရမ်းလိုချင်လာတယ်။လုံးဝမနေနိုင်တော့ဘူး။ပထမဆုံးအကြိမ်အနေနဲ့ကျွန်တော်ကိုယ့်ကိုယ်ကိုသိလာသလို၊နားလည်လာသလိုခံစားရတယ်။ရွံစရာ၊ရှက်စရာ၊မုန်းစရာ၊
ကြောက်စရာ ကောင်းခဲ့တဲ့ကျွန်တော့ရဲ့အပြုအမူတွေကိုရုပ်ပုံကားချပ်လို မြင်လာတယ်။ ''မင်းတို့ဘဝတွေလည်းထူးခြားနိုင်တယ်။မင်းတို့အသက်တာလည်းအသစ်ပြန်ဖြစ်နိုင်တယ်။''
လို့သူကဆက်ပြီး ပြောခဲ့တယ်။ကျွန်တော်အဲဒီဘဝကိုအရမ်းလိုချင်နေတယ်။အရမ်းလည်းလိုအပ်နေတယ်။ဒါပေမယ့်ကျွန်တော်တော့မဖြစ်နိုင်ဘူးလို့သိနေတယ်။တရားဟောဆရာကအဲဒီလိုဘဝမျိုးလိုချင်လို့၊ဆက်ကပ်ချင်တယ်ဆိုရင်
ရှေ့ကိုထွက်လာခဲ့ပါလို့ ပြောတဲ့အချိန်မှာကျွန်တော်တော့မဖြစ်နိုင်ဘူးလို့ယူဆလိုက်တယ်။ဒါနဲ့အစ္စရေးလ်က
'' ငါက ခေါင်းဆောင်ပဲ၊ငါသွားမယ်ဆိုရင် အားလုံးလိုက်ရမယ်'' လို့ပြောပြီးအားလုံးအရှေ့ကိုထွက်လာခဲ့ကြတယ်။ကျွန်တော်ကတော့ထိပ်ဆုံးကပေါ့။ကျွန်တော်ဒူးထောက်ထိုင်ချလိုက်ပြီးကျွန်တော့်ဘဝရဲ့ပထမဆုံးဆုကို
တောင်းခဲ့တယ်။ ''ဘုရားသခင်၊ကျွန်တော်ဟာနယူယောက်မှာတော့အညစ်ပတ်ဆုံးအပြစ်သားတစ်ယောက်ပါ။ကျွန်တော့်လိုလူကိုဘုရားလိုချင်မှာတော့မဟုတ်ဘူး။ဒါပေမယ့်လိုချင်ခဲ့တယ်ဆိုရင်တော့ကျွန်တော်ဒီမှာရှိပါတယ်။ကျွန်တော့်ကိုယူပါ။အတိတ်ကကျွန်တော်ဆိုးခဲ့သလောက်အခု
ယေရှုအတွက်အကောင်းဆုံးဖြစ်ချင်ပါတယ်။'' လို့ကျွန်တော်ဆုတောင်းလိုက်တယ်။ နောက်တော့တရားဟောဆရာကကျမ်းစာတစ်အုပ်ကိုကျွန်တော့်ကိုလက်ဆောင်ပေးပြီးကျွန်တော်အိမ်ပြန်လာတယ်။ကျွန်တော့်နှလုံးသားထဲမှာသန့်ရှင်းသောဝိညာဉ်တော်တကယ်ကောရှိရဲ့လားဆိုတာကိုသိချင်လာတယ်။ဘယ်လိုသိနိုင်မှာလဲ။ပထမဆုံးအရာကတော့ကျွန်တော်အိမ်ပြန်သွားပြီးအခန်းထဲဝင်သွားတဲ့အချိန်အရင်ကရှိခဲ့တဲ့
ကြောက်စိတ်လုံးဝမရှိတော့ဘူး။ပြီးတော့အခန်းထဲမှာတစ်ယောက်ယောက်ရှိနေသလိုခံစားရတယ်။ဘုရားသခင်ကိုယ်တိုင်
ရောက်လာသလိုခံစားရတာမဟုတ်ဘူး။ကျွန်တော် တောင့်တနေခဲ့တဲ့ကျွန်တော့်အမေကိုယ်တိုင် ရောက်နေသလို
နွေးထွေးမှုတစ်ခုခံစားရတယ်။ကျွန်တော့်အိပ်ကပ်ထဲမှာဘိန်းမှုန့်တွေ၊ ဆေးတောင့်တွေရှိနေတယ်။အဲဒါတွေကိုချိုးဖဲ့ပြီး
ပြူတင်းပေါက်ကနေလွှင့်ပစ်လိုက်တယ်။ နောက်တစ်နေ့ကျတော့လူတွေအားလုံးလိုလိုကျွန်တော့်ကိုစိုက်ကြည့်နေကြတယ်။နစ်ကီဘာသာရေးသမား
ဖြစ်သွားပြီဆိုတဲ့အကြောင်းအားလုံးဆီပြန့်သွားပြီး ဖြစ်မှာပေါ့။ဒါပေမယ့် နောက်တစ်ခုဖြစ်သွားတဲ့အအဖြစ်အပျက်ကတော့ဒါတွေဟာအိမ်မက်သက်သက်မဟုတ်ဘဲအစစ်အမှန်ဖြစ်ကြောင်းကျွန်တော့်ကိုသက်သေပြလိုက်တယ်။အရင်တုန်းကဆိုကလေးငယ်ငယ်လေးတွေကျွန်တော့်ကိုမြင်တာနဲ့ထွက်ပြေးတတ်ကြတယ်။အခုတော့ကလေးနှစ်ယောက်ကျွန်တော့်နားကပ်လာပြီးကျွန်တော့်ကိုခဏစိုက်ကြည့်နေတယ်။ပြီးမှသူတို့နှစ်ယောက်ဘယ်သူပိုရှည်လဲဆိုတာတိုင်းပေးပါလို့
ပြောတယ်။ကျွန်တော်လက်နဲ့တိုင်းပေးလိုက်တယ်။အဲဒီအချိန်မှာကျွန်တော်ကိုယ့်ကိုယ်ကိုတကယ်ပြောင်းလဲသွားမှန်းသိလာရတယ်။ကလေးတွေကတော့ကျွန်တော်ပြောင်းလဲသွားတာကိုသိချင်မှသိမှာပါ။သီတင်းပတ်အနည်းငယ်ကြာပြီးတဲ့အချိန်မှာဒရာဂွန်အဖွဲ့ကလူတစ်ယောက်ကျွန်တော့်ဆီရောက်လာပြီး
''နစ်ကီမင်းလက်နက်တွေမကိုင်ဆောင်တော့ဘူးဆို၊အဲဒါတကယ်လား'' လို့လာမေးတယ်။ကျွန်တော်လည်းအမှန်ပဲလို့ဖြေလိုက်တယ်။ဒါနဲ့အဲဒီလူကဆယ်လက်မရှည်တဲ့ဓားကိုထုတ်ပြီးကျွန်တော့်ရင်ဘတ်တည့်တည့်ကိုထိုးလိုက်တယ်။ကျွန်တော်လည်းဓားသွားကိုလက်နဲ့ဖမ်းလိုက်တယ်။သူလည်းထွက်ပြေးသွားတယ်။ကျွန်တော်အဲဒီမှာပဲရပ်ပြီးအံ့သြစွာနဲ့လက်ကသွေးတွေကိုကြည့်လိုက်တယ်။အရင်က
သွေးမြင်ရင် သေလောက်အောင်ရီချင်တယ်။ရပ်လို့မရဘူး။အခုတော့ကျွန်တော့်လက်ထဲမှာ သွေးတွေစီးကျနေတယ်။ဒါပေမယ့်ကျွန်တော်ဘယ်လိုမှမခံစားရတော့ဘူး။ကျမ်းစာထဲကကျွန်တော်ဖတ်ခဲ့တဲ့ကျမ်းပိုဒ်တစ်ပိုဒ်ကျွန်တော့်နှလုံးသားထဲဝင်လာတယ်။
''ယေရှုခရစ်၏အသွေးတော်သည်ငါတို့အပြစ်ရှိသမျှကို ဆေးကြောတော်မူ၏'' တဲ့။ကျွန်တော်ရှပ်အင်္ကျီကိုဆုပ်ဖြဲပြီးလက်ကဒဏ်ရာကိုစည်းလိုက်တယ်။အဲဒီနေ့ကစပြီး
သွေးနဲ့ပတ်သတ်ပြီးကျွန်တော့်မှာ ပြဿနာမရှိတော့ဘူး။
(သက်သေခံချက်အစပိုင်းတွင်မပီမသ၊မရှင်းမလင်းဖြစ်နေသည်
့နစ်ကီ၏လည်ချောင်းထဲမှအသံသည်လည်းတဖြည်းဖြည်းပျောက်ကွယ်သွားပြီးသက်သေခံချက်အဆုံးတွင်မူလုံးဝရှင်းသွားတော့သည်။)
(ဘာသာပြန်သည်။)
FYN Vol.1 No.6 (Jan 3, 2012)
No comments:
Post a Comment